حشو العصب بيتم إزاى ؟؟؟
العصب (اللى احنا اتفقنا فى الحلقة اللى فاتت بيتكون من شعيرات دموية وأنسجة وأعصاب) بيتم إزالته وتنظيف بقاياه بما فيها الأجزاء السليمة والمصابة والبكتيريا والصديد لحد نهاية الجذر , يعنى بنقطعة تماما من العصب الرئيسى اللى ماشى فى عظم الفك
باستخدام مبرد أو إبر حشو العصب والوصف الصحيح ليها فعلا مبرد لأنها بتبرد الجذر من الداخل لإزالة أى بقايا على جدران الجذر الداخلية ممكن تتسبب فى رجوع العدوى , وفى نفس الوقت بتجهز الجذر وتنعمه بحيث إنه يقبل الحشو بطريقة صحيحة وسلسة
فيه إبر تانية غير دى بتستخدم بجهاز معين (اللى بيقولوا عليه حشو العصب بالكمبيوتر) دى مش مجالها دلوقتى , إحنا بنشرح الفكرة فقط دلوقتى
بعد مابيتم التنظيف دا باستخدام مطهرات وكحت الجذر بنيجى لمرحلة الحشو
فيه عيدان حجمها على قد المبارد اللى نظفت العصب علشان تقفل مكان التنظيف بالظبط
بتبقى مصنوعة من شجرة معينة بيتحشى بيها الجذر والمادة بتاعة العيدان دى مابتعملش أى تفاعل كيميائى مع أى حاجة يعنى تركيبها مابيتغيرش أو تفسد مع الوقت , وكمان بتتأثر بالحرارة علشان نسخنها ونكبسها جوا الجذر كويس
حشو العصب بالمادة دى له ميزتين
الأولى إن المادة دى بتمنع تسريب البكتيريا تحت الجذر
والتانية إنها بتملى الفراغ اللى كان فيه العصب علشان الجذر مايبقاش مجوف وضعيف
طب ومكان التسوس اللى فوق فى الطربوش ؟
بيتحشى حشو عادى بقى ويفضل فيه الليزر أو الزجاجى علشان مايضعفش الضرس
وكدا يبقى الحشو إكتمل
فى الصورة التانية بعد التنظيف والجزء المظلل بالأسود هو الجزء اللى تم تنظيفه كاملا
فى الصورة التالتة بعد انتهاء الحشو
عندك أسئلة أكيد
الحلقة الجاية هاعمل أسئلة ومناقشات كدا بإذن الله ياريت نجاوب على كل أسئلتك
 بيتم إزالته وتنظيف بقاياه بما...){kind=link}
تعليقات: 0
إرسال تعليق